O mercado de Carballo é o máis importante escaparate dos produtos bergantiñáns e un auténtico motor para o comercio da vila. Aquí encontrarás o seu afamado pan e o peixe máis fresco da Costa da Morte, procedente de portos como Malpica, Laxe, Corme, Razo ou a lonxa da Coruña. Tamén poderás probar a carne criada pol@snos@sgandeir@s e a verdura e os legumes das hortas da zona: repolos, allos, porros, grelos, cebolas, fabas ou tomates, entre outros moitos produtos, que dan conta dos sabores que emanan das terras bergantiñás.
As orixes do mercado de Carballo son case centenarias. Na década dos vinte do século pasado, foron construídos os primeiros barracóns para o mercado na zona da praza do Concello, que máis tarde serían substituídos por un único edificio, actualmente renovado.
As instalacións actuais foron inauguradas en 2011, están adaptadas aos últimos estándares de hixiene e calidade e destacan pola súa luminosidade, mais non perden a tradición do servizo próximo e do produto de calidade.