Se Carballo é o centro dun triángulo imaxinario entre A Coruña, Compostela e a Costa da Morte, este onde te encontras é o punto exacto onde se cruzan os camiños cara a estes tres vértices.
Coñecido na República como Praza da Liberdade, na dictadura como praza do Xeneralísimo e agora como Praza de Galicia, este é un dos centros neurálxicos da vila. Décadas atrás foi o lugar da feira, até que finalmente foi trasladada á praza do Concello.
O cruceiro de fasquía contemporánea que nela se alza, do 1982, está dedicada a un dos nosos carballeses máis ilustres, o rexionalista Alfredo Brañas. Elaborárono as mans dun recoñecido escultor galego, Buciños.
Máis antiga é a fonte de catro canos. A ela acudían as e os carballeses até mediados do século pasado, en anos nos que nas vivendas da vila aínda non había auga corrente.