O Anllóns vertebra Carballo e debuxa, ao seu paso, o perfil máis fermoso da vila. As súas marxes, recuperadas hai uns anos, constitúen un dos lugares preferidos da xente da vila para o paseo e o lecer.
O sendeiro urbano do Anllóns ten ao redor de tres quilómetros dun a outro extremo, dende o muíño do Quinto até a parroquia de Bértoa. Se o percorres, encontrarás, a carón do río, os dous parques urbanos máis importantes da vila, o do Anllóns e o do San Martiño, e un fermoso bosque onde se mesturan os carballos coa vexetación de ribeira, o do Añón.
Alí, no Bosque do Añón ten lugar ao final do San Xoán, a Festa do Bosque. Ese día o xantar e os festexos trasládanse á beira do río, evocando romerías de antano, cando o Anllóns era o espazo preferido das xentes de vila para o lecer no verán.