Carballo a un paso

Carballo é a capital de Bergantiños e o seu principal motor económico e comercial. Esta localidade, unha das máis poboadas de Galicia, está situada na Costa dá Morte, a un paso da Coruña e Compostela.
Carballo é un concello nacido, bañado e atravesado pola auga. Ten a súa orixe no século XVIII cando, o que ata entón era unha aldea, comeza a crecer a raíz do redescubrimento dun manancial termal con probable orixe romana que aínda hoxe en día é o único da Costa dá Morte. O litoral de Carballo está recoñecido como importante espazo natural e o areal que vai de Razo a Baldaio é un dos máis grandes de Galicia. O río Anllóns debuxa, ao seu paso, un dos perfís máis fermosos da vila.
Carballo ten alma feiranta. A súa feira, que se celebra todos os xoves e os segundos, cuartos e, de habelos, quintos domingos do mes, é unha das máis grandes dos arredores. E o seu mercado reúne o mellor das terras e do mar de Bergantiños.