Observatorio de aves do ALTO DA CAMPÁ

Aquí, no entorno do Alto da Campá, temos unha visión moi completa do arquipélago no seu conxunto e mesmo podemos divisar en días claros os arquipélagos de Ons e de Sálvora, incluídos como Cíes e Cortegada (no interior da ría de Arousa) no Parque Nacional.

Neste lugar están presentes os ecosistemas e hábitats das colonias de aves mariñas entre a vexetación baixa, penedías, cantís e furnas.

Desde o próximo miradoiro do Alto da Campá, actuando de balcón sobre o horizonte do Océano Atlántico destacamos as espectaculares vistas e a presenza dos cantís, das furnas e doutras curiosas formacións xeolóxicas, como taffonis ou cacholas, así como as colonias de aves mariñas sedentarias que podemos observar sen présa desde o observatorio de aves deste singular entorno.

Tamén poderemos gozar dunha boa panorámica do sistema-barreira-lagoon de Rodas, da illa Norte ou de Monteagudo e da illa Sur ou de San Martiño.