A LAGOA DOS NENOS

Aquí, desde esta posición, poderemos contemplar o singular ecosistema do que forma parte a Lagoa dos Nenos e mais o complexo da barra da praia de Rodas, o sistema de dunas e o propio lagoon que xunta á vez que separa ás illas do Norte ou Monteagudo coa do Medio ou do Faro, así como a riqueza e alta biodiversidade que alberga o sistema no seu conxunto, xeomorfoloxía, flora e fauna, tanto da praia, das dunas como da propia lagoa, destacando tamén a presenza de aves limícolas, acuáticas e mariñas.

Desde o dique da lagoa podemos observar doadamente peixes, crustáceos, moluscos e cefalópodos, así como os escasos restos dos muros que conformarban unha cetárea ou viveiro de ostras e langostas de principios do século XX.

Se botamos unha ollada á paisaxe terrestre comprobaremos a vasta masa arbórea que cubre as illas, consecuencia dunha política forestal inadecuada de mediados do século XX en adiante a partir da introdución de especies exóticas, alóctonas e invasoras (eucaliptos, piñeiros e acacias) coas nefastas consecuencias que ocasionaron sobre o medio terrestre das illas.