Alto do Príncipe

Desde este miradoiro, actuando de balcón sobre o horizonte do océano Atlántico destacamos as espectaculares vistas e a presenza dos cantís, das furnas ou covas mariñas e doutras curiosas formacións xeolóxicas como as pías e alvéolos, así como das colonias de aves mariñas sedentarias de Cíes.

En días claros podemos observar mesmo os arquipélagos de Ons e Sálvora, incluídos no Parque Nacional.

Tamén temos unha boa panorámica do sistema-barreira-lagoon de Rodas ou da vertente oriental da illa Norte ou de Monteagudo e da illa do Faro ou do Medio.