OBSERVATORIO DE AVES DO FARO DO PEITO

Desde este  observatorio de aves situado no entorno do faro do Peito, construído no ano 1904, poderemos contemplar o ecosistema e hábitat das colonias de aves mariñas, neste caso na cara leste da illa Norte ou de Monteagudo, ben nos cantís ou nas repisas e alto das furnas.

De camiño a este punto, se prestamos atención, poderemos atopar "sorpresas" en forma de fauna terrestre do Parque, xa ben aves, mamíferos ou réptiles.

En fronte, no continente, a Costa da Vela na península do Morrazo e o faro de Cabo Home, a 2,5 km, punto máis próximo a "terra".