Muros

A vila medieval con carácter señorial de Muros namora a todo o que a visita. O seu enclave privilexiado e a riqueza histórica da vila convértena nun dos municipios galegos con maiores potenciais de explotación turística. Foi declarada “conxunto histórico-artístico” no ano 1970 e conserva o encanto das súas estreitas rúas, antigas escalinatas de pedra e os seus soportais que fan que Muros teña a súa única estampa en Galicia.

Desde o Curro da Praza e cara á Rúa Real pódese realizar un paseo que nos traslada a outro tempo ao pasear polas súas rúas cargadas de historia. A Praza do Mercado (antiga Praza Maior) na que é obrigada unha parada para gozar da bela arquitectura, tras a que se pode descansar visitando as dúas prazas máis especiais da vila: A praza do Cristo co seu precioso cruceiro labrado en 1789 e a Praza da Peixaría Vella convertida en zona de restaurantes onde se atopa unha curiosa fonte de cantería que reproduce a silueta dun réptil con ás.