Muiño de mareas, Pozo de Cachón

Nunha vila tan mariñeira incluso a agricultura aprovéitase do mar. Neste caso faino para moer o gran. E é que a expansión do millo fixo que os pequenos muíños de río non fosen suficientes, e a principios do século XIX construíuse o chamado Muíño de Bazarra, polo nome do seu construtor, D.Ignacio Pérez Bazarra hoxe máis coñecido como Muíño de Pozo do Cachón. Trátase, polo seu tamaño e estado de conservación, dun dos máis importantes da Península.

O seu funcionamento aproveita o movemento das mareas.

A clave está no dique de máis de 230 m. Durante a preamar acumula a auga e péchase o dique para evitar a súa saída. Cando o nivel das augas baixa ábrense as comportas, de modo que a auga retida sae accionando a ‘ moas’, triturando o gran.

No Pozo do Cachón, sobre estas ‘ moas’ álzase unha planta que serviu como almacén e, mesmo, como casa de baños para tratamentos con auga mariña e algas. Hoxe é un centro cultural aberto ao público.