1. Praza Maria Pita e Pazo Municipal

A praza de María Pita é o espazo público de referencia da cidade e unha das prazas máis belas do mundo. A súa construción iniciouse en 1860 aproveitando un gran solar resultante do derribamento das fortificacións situadas entre o barrio da Pescadería e a Cidade Alta, continuando despois en diversas fases até o ano 1958. Conta cunha superficie de 10.000m2 e está rodeada de edificios dotados de pórticos concibidos para o paseo, na planta baixa.

No lado norte sitúase el pazo municipal, unha das casas consistoriais máis monumentais de España. Foi deseñado polo arquitecto Pedro Mariño e a súa construción demorou catorce anos, entre 1904 e 1918, debido a que se sufragou exclusivamente cos ingresos ordinarios do concello. Trátase dun edificio ecléctico, de inspiración francesa, onde chaman poderosamente a atención as tres cúpulas e unhas esculturas alegóricas, colocadas no corpo central, que representan as catro provincias galegas.

No interior pódense visitar os seus espectaculares salóns que albergan unha colección de reloxos dos séculos XVIII ao XX, unha variada pinacoteca e unha destacada colección de marcas prefilatélicas galegas.