Déjà inscrit ? Connectez-vous
Fisterra

Fisterra

O pobo de Fisterra, nome procedente do latín finis terrae, cativou desde antigo a multitude de persoas que anhelaban asomarse ao cabo do mundo, onde a terra acaba e o mar comeza, ou polo menos así o creron as lexións romanas ao contemplar o afundimento do sol nas súas augas.

Antigos xeógrafos grecorromanos sitúan aquí o Promontorium Nerium e o Ara Solis, o altar de culto ao sol, construído polos fenicios e que o mesmo Apóstolo Santiago fixo destruír ao pouco tempo.

A singularidade de Fisterra xorde das moitas lendas que envolven a estas terras, nas que se entrelazan temas relixiosos, marítimos e elementos pétreos. Grazas á memoria da xente deste lugar, estas lendas seguen vivas, cativando, xunto ás marabillosas vistas que Fisterra posúe, a todo aquel que se asoma a visitar o Fin do Mundo.

Fisterra está formado por un núcleo antigo crecido en anfiteatro sobre o porto. As súas casas e estreitas rúas son dun gran tipismo e orixinalidade. No centro atópase a Praza de Ara solis, nos arredores, , atopamos o monumento máis interesante da vila: a Igrexa de Santa María das Areas e dentro do conxunto histórico da vila, destaca tamén o Castelo de San Carlos.

Pero de visita obrigada é o seu faro construído en 1853, de 138 m. sobre o mar o cal protexe unha das costas máis perigosas do mundo.É coñecido por todos os navegantes do mundo, pola súa importancia como medio de advertencia da proximidade dunha costa sumamente perigosa, a súa luz chega a alcanzar 65 Km de lonxitude, así como pola fama de traizoeira desta zona marítima.

É o faro máis occidental e emblemático de Europa, considerado tradicionalmente como o cabo do fin do mundo, «Finis Terrae».

Infos techniques

Lat : 42.9078005Lng : -9.2650315
180 j

Les hébergements à proximité