Rúa nomeada na honra do cineasta Chano Piñeiro. Principal impulsor do cinema en Galicia e en idioma galego, foi un director autodidacta que comezou realizando os seus primeiros traballos en Super-8 durante a década dos 70. En 1984 gravou a súa primeira curtametraxe en 35 mm, Mamasunción, o retrato dunha anciá que espera pacientemente a carta do seu fillo emigrado, que o converteu nunha icona do cinema costumista en Galicia e fíxolle gañar multitude de premios e mencións a nivel internacional.
En 1989 realizou a súa primeira e única longametraxe, Sempre Xonxa, a primeira produción de cinema en longametraxe totalmente en galego e rodada integramente en Galicia, xunto con Continental, de Xavier Villaverde, e Urxa, de Carlos Piñeiro e Alfredo García Pinal, igual de importantes culturalmente, pero que obtiveron algo menos de fama.
Converteuse así nun pioneiro e un símbolo das novas xeracións do cinema galego.