NEVERA DE FIXÓ 2

Recinto circular destinado ao almacenaxe de neve co fin de conservar ou por ao fresco os alimentos. Esta ten un diámetro de 7,5 metros e unha profundidade de 4,5 metros. Conta cun revestimento interior de cachotería de granito e xisto. Está rehabilitada e pódese acceder ao seu interior a través dunha vistosa escaleira de caracol.

No século XVII, as Neveiras eran o eixo central dun próspero negocio de fabricación e comercio de xeo. Con todo, unha vez desmantelada esta industria, as Neveiras convertéronse en simples pozos subterráneos que non parecían achegar máis que un plus de perigo nas inhóspitas terras desta remota zona da Serra do Candán. De feito, os veciños lembran aínda algún episodio no que se malogrou algunha vaca ao caer fortuitamente nun dos pozos, antes ocultos pola maleza.