Francisco Lloréns pintou ao aire libre no ano 1918 este tradicional e emblemático barrio de Betanzos -A Fonte de Unta-. Este lenzo invernal caracterízase por unha riqueza de tonalidades en grises quentes impregnados de humidade e velados por unha atmosfera que unifica a cor. Este punto forma parte da Ruta do Impresionismo das Mariñas, declarado como Itinerario Cultural Europeo polo Consello de Europa, un século despois de que Lloréns pintase esta obra.
Técnica: Óleo sobre lenzo
Dimensións: 100 x 80 cm.