A “Praia de Sada”, que forma parte da “Ruta do Impresionismo das Mariñas” é un lenzo que reflicte unha posta de sol na praia urbana desta vila mariñeira da Reserva de Biosfera, onde o pintor Francisco Lloréns realiza un estudo dos sucos marcados pola auga da ría na baixamar.
Por estes anos (1942), o artista traballa con frecuencia en pequenos bosquexos realizados en acuarela. O seu estilo parece verse influenciado pola fluidez e frescura da técnica acuarelista. Lloréns leva ao lenzo unha pincelada directa e pouco empastada, que se nos ocorre chamar “xuvenil” pola súa extraordinaria espontaneidade. Tonalidades azuis, prata e dourados compoñen a súa cromática.
Técnica: Óleo sobre lenzo
Dimensións: 91 x 100 cm.
Colección Museo Pontevedra.