CASA DO CONCELLO

O edificio da Casa Consistorial foi construído seguindo un proxecto do arquitecto Ventura Rodríguez en 1778. Trátase dunha reforma e ampliación da antiga casa do concello datada a finais do século XV. Destaca na súa fachada o balcón que dá á Sala Capitular, os capiteis neoclásicos con grilandas de loureiro de ferro e a decoración policromada que representa os escudos de ramas de España, Reino de Galicia e a cidade na disposición que tamén terían en Porta da Vila. A planta alta destinábase orixinalmente a ser vivenda do Corrixidor.

¿Sabías que no vestíbulo de entrada consérvanse tres escudos do edificio orixinal? O de Galicia (cun só copón), o de Betanzos e o do Rei Emperador Carlos I. Así mesmo dous medallóns con bustos que manteñen a incógnita de quen son os representados neles.

A Torre do Reloxo, anexa á igrexa de Santiago, pertence ao conxunto da Casa do Concello. A súa orixe é medieval xa que a igrexa adáptase a ela ao reconstruírse no século XIV. Destacan os dous escudos da cidade á beira do reloxo que indica a titularidade municipal. As campás tiñan como función dar as horas, convocar ao concello e avisar da curta anual do xunco nas marismas. Sinalar que conserva unhas gretas froito do terremoto de Lisboa en 1755.