Sare

Sara, Donibane Lohizunetik eta atlantiar itsasbazterretik 15 km-ra, herritik abiatuta oinez edo, San Inazio lepotik, kremailera treinez igo daitekeen Larrun mendi mitikoaren azpian kokatua da. Luzaz Euskal Herriko kontrabandoaren hiriburutzat hartua, Sara pertsonaia ospetsuen hitzordu gune ere izan zen: Napoleon III. eta Eugenia enperadorea, Orson Wells, Winston Churchill edo De Gaulle generala.
Frantziako herri ederrenetakoetan sailkatua, Sarak Lapurdiko eliza politenetakoa du, zizelkaturiko haritzazko hiru galeria solairuz eta torneaturiko balaustrez osatua dena. Apainduriko ezkila batez horniturik, elizako 5 solairuko ezkila-dorrea bisita daiteke. Pilotan jokatzeko frontoia, otoitz leku ugari eta Gaspar Montes Iturriozen Freskoak dituen baserria datoz zurbeso ageriko etxeak dituen herriko karriketan zehar egiten den bisita osatzera.