Gîtes Menditarrena Etxezaharria

Itsasbazterretik 30 km-ra, GR10 ibilbidean eta kontrabandisten xendran, Iparlaren oinetan, zatoz ingurumen paregabeko bi aterpe hauetara. Proposatuak diren jarduerak egiten ahalko dituzu izadiaren erdian: raftinga, canyoninga, eskalada, mendi ibilaldiak, mendiko bizikleta, orientazioa, via ferrata eta jaitsierak trotinetaz; zuhaitzen gainetan ibiltzen ahalko ere zara.

Kudeaketa librea, mantenu erdia edo osoa, hauta ezazu zure formula.

Menditarrena aterpean (Gîtes de France labela ukaiteko bidean) 50 pertsonak lo egin dezakete 2-6 pertsonarendako logelatan; logela bat pertsona elbarrituendako egokitua da. Etxe Zaharrian 30 leku badira 2-9 lekuko ohetegitan banatuak. Jatetxeak eta saltegiak 50 m-ra dira.