Etxeberriko ibarxka eta Erretzüko lepoa

Errepideak eskuinera duenean zubia zeharkatu eta igotzeko (2,3 km), bide asfaltatua utzi eta zuzen jarraitu Etxeberriko erreka bazterretik doan bide harritsutik. Urrunago ezkerrera doan eta itzultzean hartu beharreko bidexka belartsua utzi (3 km), eta zuzen jarraitu haran zolatik. Paillet-eko Y bidegurutzean (3,8 km), platano handiaren azpian, ezkerreko bidexka hartu. Gorantz doa berehala, bi bihurgune zabal eskainiz, haritzez landatutako iratzelekuan. Bigarren bihurgune itxiaren irteeran, Erretzü mendia ageri da. Mendiaren hegoaldetik eta iturrietatik pasatzean uhinduz doan bidezidor lurtsu zabaletik jarraitu.
Belartegiaren ondotik pasa eta, jaitsiera txiki baten ondoren, Erretzü mendi-lepo txikiaren bidegurutzera iritsi.