Visites guidées Office de tourisme Pays Basque - Adour

Baionatik 26 km-ra den herria, Bastida, gune estrategikotzat zuen Luis I. Nafarroakoak eraiki zuen 1312an: Aturriren ibaiadar den Arhan errekak ibai bidez itsasora iristeko parada ematen zion. Erreka babesteko betebeharra zuen Nau Preciada etxe dorrea eraiki zuen eta, ondoren, bastida. Euskaldun eta gaskoien bizileku, herria, joritu eta luzaz artisautzagatik (iltze eta txapelgintza) eta urteroko feriei esker ezaguna zen.
Gaur egun, Bastida, Frantziako herri ederrenetakoa da. XIV. mendeko kalostra duen Jasokundeko Andre Mariaren elizak zein Arkuen plazak eta lerrokatzen diren nafar eta lapurtar estiloko etxez osaturiko karrikek bisitatuak izatea merezi dute. Zurbeso berde edo gorriko etxe aitzinalde xuriek Euskal Herrian kokatua dela oroitarazten dute eta XVIII. mendeko hilerri israelitak berriz biztanleriaren nahasketatzea.