Eglise Notre Dame de l'Assomption

Luhusoko eliza Beata Mariari dedikatua zaio eta XVII. mendekoa da. 1626 eta 1674 urteen artean atalka eraikia, lapurtar arkitektura duen elizak ezkila-dorre lanak betetzen dituen dorre karratua du eta herri osoaren ikusmenean da. Barnean, Andre Maria Jasokundearen margo baten parean kokatua den kolore anitzeko erretaula berehala agertzen da. XX. mendean zaharberritua izan zen korua ere Beata Mariari eskainia zaio, birjinaren biziko bi gertaldi diren “Deikundea” eta “Ikustaldia” irudikatzen duten bi margorekin. Euskal herriko eliza guzietan bezala, eliza barnea zur zizelkatuz apainduriko galeriaz inguratua da. Tradizioz, meza denboran gizonentzako erreserbatua den eremua da azken hori.
1726koa, Beata Maria elizako kanpaia Monumentu Historiko gisa sailkatua da.