14 - Bostmendieta VTT

Lexantzüko elizaren behealdean (3,3 km), eskuinera jarraitu herriko etxerantz (Eskolako Bidea kalea). Zubiaren ondotik, ezkerrera jarraitu Bürgübürü kaletik. Horrela, D57 errepidera iritsi, eskuinetik jarraitu 1,3 km-etan, Lexantzümendi inguratzeko. Muinoen arteko pasabide estuaren ondotik, Y bidegurutzean (5,1 km), ezkerrera igo C2 errepidetik Ligirantz. 500 m gorago dagoen herrixkarantz igo. Ezpeldoiako bidegurutzean (disko-formako hilarria), eskuinera hartu Alkornoko errepidea. Bosmendietarako igoera luzea benetan hemen hasten da eta GTVTT Pirinioak* zeharkaldiarekin bat egiten du. *GTVTT Pyrénées : Grande traversée des Pyrénées = Pirinioetako BTTko zeharkaldi handia Kudeatu ahalegina malda handiko etxaldea gainditzeko (% 12) eta segi gorantz bide asfaltatutik, Bordalegañeako mendateraino (7,7 km). Ezkerretik konkor bat saihesten duen bide asfaltatutik jarraitu. Handik, mugako mendiguneak (Lakhura-Orhi) ageri dira. 8. kilometroaren ondotik, malda leuntzen da, paisaiaz gozatzeko aukera eskainiz.

Anderexeko pilarearen azpian (8,7 km), artzain-bidea utzi eta pareko pista harritsua hartu (GTVTT seinalea). Eremu ireki batetik igotzen da eta laster bihurgune itxi batzuk daude, beti gailurrean, 4 km-etan % 8-10eko mendate aldapatsu erregular baten antzera. 13. kilometroan, pista Zalhagaña tontorraren iparraldeko hegalean leuntzen da, eta zapalda batera iristen da, Bosmendietako goi-ordoki originalera begira. Pista zabaletik jaitsi, artzain etxolarantz. Etxolara heltzean, pista gorantz doa berriro. Ondotik, 400 m gehiago jarraitu, hurrengo lepora iritsi gabe.

Lepoa eta uraska aitzin, pista utzi (15 km) eta eskuineko pista belartsua igo, GTVTT seinaleetatik kanpo, bi konkor harritsuen artean (gas-hodi zutoina). Berehala, Bosmendietako gailur-lerroko muino belartsura iritsi (segitu aitzin, ezkerreko konkorreko orientazio-mahaira joan daiteke oinez). Mendiko bizikletara itzultzean, beste hegaletik jarraitu eskuineko bidezidorretik. Hesiz iguratutako aurriaren ondotik pasa, eta gero, mendi-mazelaren erditik igaro, gehiegi jaitsi gabe, ezproidun mendi-leporantz (15,7 km). Jarraitu eta haraneko ordoki belartsu luzea zeharkatu. Amaieran (uraska), ibarbidearen ezkerreko hegaleko beherantzko bidexka teknikoa hartu (blokeak eta lauzak). Oihanera sartzean (16,7 km), bihurgune itxiak kontu handiz hartu (bihurguneak ez moztu higadurarik ez eragiteko). Bizikleta bultzatzera behartzen duen igoera txikiaren ondoren (17,2 km), kontuz harlauza delikatu eta hezeen gaineko tarte laburrarekin. Ondotik, bidexka bihurgunetsu da berriro eta oihan artetik igarotzen da. Arretalephoako aurrietan (18 km), pareko gailurreko bidezidorra hartu. 400 metro aurrerago, beste lauza delikatu baten ondoren, ibilbidea argira itzultzen da. Hesi baten bazterretik igarotzen da, hain teknikoa eta azkarra ez den pista batetik. 19. kilometroaren ondotik, oihanpera itzultzerakoan lauza irristakor berriak daude. Azkenik, autoz ibiltzeko bidera iritsi, eta beherantz jarraitu, aurrietatik harago.

Bide asfaltatura iristean, Ibarbordako bidegurutzean (19,9 km), Ibarrenbordako gorantzko bidea hartu eskuinetara. Ibarbordako eraikinen ondotik pasa eta zuzen jarraitu bidezidor belartsu eta horizontaletik (atexka). Hegoaldeko isurialdea zeharkatzen du, jaisten hasi aitzin ("txirristaren" pasarte delikatua lehen ibarbidean). Jaitsi ahala, bidea pixkanaka zabalduz doa, eta pista harritsutsik, beti zuzen, Lexantzümendiak zaintzen duen Etxebarre herrira iritsi. Etxebarre herriaren bihotzean (22 km), eliza eta pilota plaza baino 50 metro lehenago, ezkerreko landa-bide belartsua hartu, 6. etxearen izkinan (Xabalgoitia). Kunbo batera jaisten da eta, bordaren ondotik, bidexka sigi-saga jaisten da errekaraino. Betoizko zubia igaro (22,9 km) eta ezkerreko bidexka berria hartu, 200 m-etan zehar. Lehen bihurgunean (ikuspen txarra), ezkerreko bide berria hartu (bi zubi txiki). Gero, jarraitu 150 metro pareko errepide txikitik eta, lehen bihurgune itxian, bide asfaltatua utzi eta pareko bide belartsua hartu (bi hesien artean). Gorantz doa nahiko azkar sigi-saga eginez. Laugarren bihurgune itxitik ateratzean (23,9 km), ezkerreko bidea utzi eta zuzen jarraitu, hesia segituz, pista bakarreko bidezidorretik. Zunharreko elizarainoko azken zatia belarrean egiten da.

Zunharreko elizaren oinean (24,3 km), eraikinaren ezkerraldeko kalea hartu (Iratzehegi bidexka). Azken etxearen ondotik, iturriaren gainaldetik igaro eta pareko goranzko bidea hartu. Jarraian pista harritsua bilakatzen da. Y bidegurutzean, haritz handiaren azpian, bidexka horizontala eskuinetik jarraitu. Amaieran (zapalda belartsua), pareko beherantzko pista bakarreko bidezidorrean sartu. Kontuz lauzekin. Behean (Zibozen sartzean), marmelada-tailerra eta etxe baten bazterretik pasa, eta, ondotik, Bizkaiko bidea (25,8 km), eskuinera. Bidexka laborantzako kunbo baten hondora doa, eta, gero, pixkanaka, eskuinaldera jaisten da.T bidegurutzean, belartegiaren ondoan, eskuineko bide harritsua hartu, eta gero, 300 m beherago, eskuineko bide asfaltatua, Onizegaineko hilerriraino. Orduan, joaneko bidea hartu (ezkerretara), Onizegaineko zubira iristeko. Zubitik ateratzean (28,2 km), ezkerreko goranzko bidea hartu Atharratzeko zentrorantz (D57), D918 bidetik ("Xaho" taberna-trinketea). Erdiko plazan, ezkerreko Rancot karrikartea hartu, latsagiko aparkalekura iristeko.