10 - Ahargo VTT

Barkoxeko herriko etxeko aparkalekutik, kontrako noranzkoan doan errepidea hartu Burgia auzora iristeko (hotel-jatetxeak). Etxe aitzin eder eta lerrokatutak dituen kalearen amaieran, ezkerrera hartu Atharratzeko errepidea (Bürgodiko bidea). 200 m geroago, Y bidegurutzean (ezti salmenta), oraingoan pareko bigarren mailako bidetik jaitsi, Ibarre haranaren hondora iristeko. Salhankako bidegurutzean (2 km), ezker jarraitu errepide nagusitik (D347 Atharratzerantz), Maidalena muinoa erreferentzia puntu bezala hartuz. Horrela, Khürütxexuriaren bidegurutzera iritsi (2,9 km): Atharratzeko norabidea utzi eta eskuineko errepidetik joan, Arrokiagarantz. Konkor txiki bat pasa eta Paradisea auzoko sarrerako zubira eta bidegurutzera iritsi (kapera ezkerretara 100 metrora).

Paradiseako bidegurutzean (3,6 km), eskuineko errepidetik jarraitu (Sühiteako bidezidorra) eta frontoia duen etxearen gainaldetik pasa. Lehen igoera zuzenaren ondotik, kontuz eta ezkerrera hartu (kanpoko leiho gorriak dituen etxea), ondotik zuhaitzen azpian lurtsua bilakatzen den bidexka belartsutik. Ahargorainoko igoera luzea hasten da. Lehen atexka pasa, eta, ondotik, zelaiaren bazterretik joan, haritz-guneraino (4,7 km): Ürrutia etxaldea parean utzi eta eskuineko bidetik jarraitu (hesiaren hegian aldapatsua da). Belardiaren gainaldean, metalezko bi atexka utzi (eskuin eta ezker) eta begiratokia eskaintzen duen haritzara iritsi (5,1 km). Justu atzean, bidea segitzen da eta eztiki jaisten da (atexkak). Bide nagusia Larrasketa etxaldera hurbiltzen da. Komeni da etxaldearen eskuinetik joatea, hesiaren kanpoaldetik. Etxaldera sartzeko bidean sartu eta gorantz jarraitu D24raino. Goian, 100 m jarraitu ezkerretara Mauleko errepidetik

Arnasa berreskuratu Maisonabako ikuspegiaz gozatuz (6,6 km) eta gero, oratoriatik gertu, eskuineko bidezidor berria hartu (Sagardoihegiko bidexka asfaltatua). Lehen malda eta zapaldaren ondotik, eskuinera hartu eta igotzen jarraitu (7,2 km), Ahargoko bidexkatik. Bidexka bi borda zahar dituen lepora iristen da, seguraski bizikleta bultzatzera behartuko zaituen pasabide aldapatsu eta arrokatsu batetik. Goian, ezkerreko bidetik igotzen jarraitu. Horrela, Ahargoko lehen gailurra mendebaldeko isurialdetik hartu, gero iparraldetik, Pettarra, Lapurdi eta Biarnoko Ühaitzak erakusten dituen ikuspegia ahaztu gabe. Bizkar belartsura iritsita (8,8 km), eskuineko bidexka aldapatsu eta arrokatsua hartu, bigarren konkorra saiesteko. Gauza bera egin hirugarren gailurrera, garaienera, hurbiltzean.

Ahargoko gailurraren atzean (609 m), bidegurutze zerratuaren parean (9,2 km), utzi bizikleta une batez, eta oinez igo gailurrera orientazio-mahaiaz gozatzeko. Mendiko bizikletako jaitsiera hemen hasten da belarretan, bihurgune zerratu batzuekin eta gero zuzen jarraitzen du Barkoxe pareko maldan. Gero, bazkalekuetatik eskuinerantz zeharkatu, bidexka elkargune bateraino: eskuinekoena hartu, horizontala (uraska). Zeharbidearen amaieran (10,3 km), ezkerreko bidezidor harritsu berritik jaitsi (kontuz ibili). Ibarbide bat igaro ondoren, bideak gora egiten du pixka bat langa kanadar baterantz, eta gero zuzen jarraitzen du bide belartsutik. Oihanean, pasabide harritsu azkarraren oinean (11,6 km), bide zabala utzi eta eskuineko bidexka diskretua hartu. Jaitsiera tekniko luzea eta dibertigarria da oihanpean zehar. Behean, bidegurutzean amaitzen da, pistaren bihurgunetik gertu: eskuinera jarraitu belarretik, bidexka horretatik jaitsi eta erreka (edo harrizko zubia) ibitik iragan. Beste ertzera igo etxalderantz eta ezkerreko errepidea hartu Barkoxera itzultzeko.