1 - Laskaraia - VTT

Mauleko geltoki zaharraren aurrean (sarrera nagusia), norabide bakarreko kalea hartu, eskuinetara (Matalas kalea). Mendililia ostatuaren parean, ezkerrera joan, eta gero eskuinera okindegiaren stop seinalean (Gambetta hiribidea). Iturrira iristean, eskuinera joan eta gero ezkerrera Lextarre plazatxoan. Mangako biribilgunean, arretaz zeharkatu eta pareko bigarren mailako errepidea hartu. Hurrengo bidegurutzean, ezkerreko goranzko kalea aukeratu. GR seinaleak adierazten duen bezala, errepidea laster utzi behar da eta ezkerreko bidezidorra hartu. 150 metro geroago, eskuinera, bidea bidexka itzaltsu bilakatzen da. Harrizko jaitsieraren amaieran, zubi txikia zeharkatu eta beste aldeko ibaiertzeko bide zabaletik segitu. Goi-ordokian, etxaldearen eskuinetik pasa, eta etxaldean sartzeko bideari jarraitu. Itzulerarako kontuan hartu behar den Etxekoparreko Y bidegurutzean, ezkerreko errepidetik jaitsi Garindaineraino. Behean, D918 errepidea hartu eskuinerantz, eliza eta eskolaraino.

Garindaineko elizaren oinean (3,3 km), eskuineko kalea hartu, Eihartxia auzorantz. Konkorraren gainaldean, Eihartxia norabidea jarraitu eskuinetara Merkapideko bide asfaltatutik. Etxeen ondotik, errepidea gorantz doa 300 metrotan (gehienez % 18) eta azken etxe berritu batera iristen da: zuzen jarraitu bide belartsutik, eta gero zuzen metalezko atexkatik haratago; haran osoa erakusten duen muinorantz igo. Haritz handiaren Y bidegurutzean, (5,5 km), eskuinera gorantz doan bide lurtsua hartu eta zuzen jarraitu larreetatik bide asfaltatu txikiraino (Gillitua bidexka). Eskuinera jo Gillitua etxalderaino.

Etxalde panoramikotik 300 metrora (jaitsieraren hasiera), eskuinera joan (27,5 km) Andaraiñeako bide asfaltatutik. Etxearen ondotik, laborantzako keretaren eskuinaldeko atexka metalikotik igaro. Gero, zuhaitzen azpiko bidezidorretik jarraitu. Pentzeko hesiaren hurbiletik igarotzen da, ezkerretara. Pentzearen bazterretik joan ondoren, pareko xendra harritsu eta zailetik igo. Muinoko puntu altua igaro (begiratokia) eta parean jaisten hasi. Y-an eskuineko bidexka hartu. Maldan behera bi bihurgune itxiiren ondotik, Garindainerako jaitsiera teknikoa da (kontuz). Behean, aurrietan, partzialki asfaltatutako bidetik jaitsi, eta, gero, ezkerrera jarraitu, goi-tentsioko dorrearen azpitik 600 metroz.

Garindainera iritsi baino lehen, joatean zeharkatutako Etxekoparreko bidegurutzera iritsi (30,9 km): ezkerreko bidea hartu joan Maulera itzultzeko. Etxaldearen bazterretik joan, bide zabaletik ibira jaitsi, gero beste aldetik, pista bakarreko bidexkatik, Maulera igo. Mangako biribilgunetik (kontuz) eta Lextarreko plazatxotik hiriaren erdigunera iritsiko zara, eta laster geltokiko auzora.