Arraia
Description
Haltsuko herrixka biziki ederretik abiatzen den ibilbide hau oso egokia da ibilaldi erraza eta itzaltsua egin nahi duten familientzat. Udako egun beroetan, haritz lepatuen artean, freskotasun pixka bat aurkituko duzu. Oihana arras atsegingarria da, eta harrigarria da inguruko bizitegietatik hain hurbil egonik ere oihanez inguratuta sentitzea. Gainera, naturan isolatutako Arraiako latsagiak ukitu originala ematen dio ibilbideari, eta garai bateko bizia nolakoa izan zitekeen ohartzeko balio du.
Technical Information
Altimetric profile
Starting point
Steps
Abiatzea
Elizaren pareko aparkalekutik, errepidean eskuinera joan, eta 80 m ibili. Ezkerraldean, Denentzat eraikina dago. Pasatu eraikinaren atzetik, oihanean sartzen den bidexka arras atseginaren hasiera aurkitzeko.
Bidebanatzea
950 m ibili ondoan, bidebanatze batera iritsi. Joan ezkerrera eta jarraitu oihanetik.
Zubixka
Zubixka zeharkatu, ezkerrera joanez. Ez kasu egin eskuinera doan ""Bizkar Handi"" panelari. Orduan, bidexka pixka bat gora doa, eta auzogune batera iristen da.
Arraiako iturria
Errepide batera iritsi. Joan eskuinera, eta 100 m ibili. Gero, joan ezkerrera, Arraiako iturrirantz. Iturria 100 m-ra dago. Iturria eta latsagia ibilbidetik metro gutira daude, behealdean. Nahi izanez gero, biak ikus daitezke.
Jaitsieraren hasiera
Oihanean behera doan bidetik jarraitu; laster bide zabalagoa bilakatzen da. 450 m urrunago, errepide ttipi batera iritsi. Errepidean 50 m ibili. Eta eskuinera joan, auzogune bat zeharkatzen duen bide harriztatu batetik.
Oihanetik itzultzea
Bidearen puntan, joan eskuinera, oihanean sartzen den eta errepide bateraino jaisten den bidexka ttipi batetik. Jarraitu ezkerretik errepide honetan, elizara iritsi arte.
Points of interest
Haritz lepatuak
Enbor labur bat eta ""buru"" hanpatua. Zuhaitz horien itxura nahiko harrigarria da; baina, mozte anitzen emaitza besterik ez da. Zuhaitz lepatuen teknika aspalditik erabiltzen da. Enborra hunkitu gabe, egurra ustiatzeko aukera ematen du.
Arraiako iturria eta latsagia
Hasieran, etxe baten izena zen Arraia. Gaur egun ez dago etxerik, baina latsagia bai. Eta ondoan iturri bat dago: Haltsurantz jaisten den erreka ttipiaren urburua.
Lapurdiko etxeak
Euskal Herrian, gure kulturan, etxeak gaitzeko garrantzia du. Probintzia bakoitzak, eta batzuetan ibar bakoitzak ere, bere arkitektura-ezaugarriak ditu. Hemen, zurbeso ageriko Lapurdiko etxearen adibide zehatz bat ikus dezakezu.
Additional information
Balisage
Trait - Balisage directionnel sur supports locaux
Typologie de l'itinéraire
Itzulia
Thèmes
Natura (fauna, flora)
Data author
