Xoldoko Gaina
Description
Bere bentengatik eta igandeko beste erosketengatik famatua, Ibardin lepoa itsasbazter atlantikorako ikuspegiko ibilaldi erraz batzuen abiapuntua ere izaten da. Horietariko bat izaten da Xoldokogainako aintzirara joatea, familian errazki egin daitekeena. Igoeraren zati nagusia ibilaldiaren hastapenean baita, abiadura motelean ibiltzea komeni da benta gorenera heltzeko, eta ondotik, Manddaleko patarren bidera. Ikuspegia jadanik aski zabala da eta kontenplaziozko atsedenaldiak hartzera gomitatzen zaitu. Zuhaitz arraxinduneko oihanaren artetik, Xoldokogainako mendigune osoa ikus dezakezu, soro eta ibarxka itzaltsuen osaketa, pottokentzat egiazko paradisua! Aintzirarako jaitsieraren tenorea da; han, ehunka urteko haritzen itzalpean atseden hartzeko aukera izanen da. Itzultzeko bidea estatu-oihanetik iragaten da, ikuspegi gehiago eskaintzen ditu, zailtasunik sortu gabe.
Technical Information
Altimetric profile
Starting point
Steps
Ibardin lepotik Manddaleko harpearen bidegurutzera
Ibardin lepoko aparkalekuaren hondoan (325 m), errepidera itzultzen den bide zati bat hartu ezker, jatetxe eta saltegien artetik igo behar dena. Gorria bentan, ezker segitu mundruna zutean, saltegi goreneraino (Elizalde benta): hemen, bi bidexka utzi (GR10 barne) eta eskuin, bidexka laua segitu (antena). Xeila pasatu eta, parean segitu 50 m-tan, eta Y itxurako bidegurutzean, ezkerreko bidea hautatu. Zut-zut igotzen da bi bihurgune marraztuz, itsasbazter atlantikorako ikuspegia eskainiz. Gorago, eskuinetik datorren oihanbideari kasurik ez egin, eta berriro ezkerretik agerian denari, pareko bide nagusian segitzeko.
Xoldokogainako aintzirarako jaitsie
Zuhaitz arraxindun landaren gorako bazterraren puntan, bidegurutze batera heldu (505 m), harpe baten sartzetik hurbil (zure ezkerrean kokatua): GR seinalatutako bidexka bertan utzi belarrean eskuin jaisteko, lerro zuzenean, oihanaren bazterretik (patar zuta). Behereko zatian, pagadi baten bazterretik ibili eta, beti oihan bazterreko bide nagusian, konkor bat eskuinaldetik saihestu. Ondotik, jaitsiera argiagoa bilakatzen da eta bidegurutzerako bidera iristen da.
Aintzirako bidetik Oneaga lepora
T itxurako bidegurutzean, haritz lodi baten azpian (270 m), eskuin hartu aintzira bazterreko bidea segitzeko, hostailen artetik noiztenka agertzen dena. Aintziraren ekialdeko puntan (256 m), argigune zabalago batek hurbiltzeko bidea eskaintzen dizu. Atseden hartu eta gero, bide onean segitu, T itxurako lehen bidegurutzera heltzen dena (haritza): ezker segitu bide nagusian.
Ibardin lepora itzultzea ikuspegi zabaleko bidetik.
Oneaga lepoan (295 m), bide anitzeko elkargunea aurkitu: eskuin hartu doi bat igotzen den bide zabalean ibiltzeko. Aintzirarako ikuspegitik iragan. Hurrengo bidegurutzean (315 m), haritz lodi baten oinean, zuzen segitu. Donibane Lohizuneko badiarako ikuspegi laster baten ondotik, eta Larrunen parean, ikuspegi zabalago baten ondotik, bideak, kasik zabalean, oihanak zeharkatzen ditu eta, urrunago, benten gibelaldeetara eta Ibardin lepora iristen da.
Points of interest
Hareharri gorriak
Bideko arroken arrosa edo arno liga koloreak, alde estetikaz aparte, jatorriari buruzko galderak sortzen ditu. Trias garaiari eratxikitako jalkitze-arrokak dira (250 - 215 Mu), lurzoru silizeoz osatuak. Duten kolore gorria, klima idor batean, konposatu herdoiltsuen oxidaziotik dator.
Xoldokogainako aintzira
Hegi horretatik urtegia ez baldin bada ageri ere, hortxe dugu ur atxikipen aintzira bat, Pirinioetako lehen erreken bilketa arroaren konfluentzian.
Haritz lepatuak
Oneaga lepoan, harizti baten itzalpean atseden har dezakezu. Itxura misteriotsuzko zuhaitzak: hantura bitxiak eta adar asko, enbor lodi baten gainean. Tokiko jendetza-belaunaldiek egindako mozte errepikatuen eta egur kentzeen ondorioz dute itxura hori.
Additional information
Balisage
Trait
Typologie de l'itinéraire
Itzulia
Equipements
Elikatze-puntua (epizeria, ostatatzea)
Thèmes
Natura (fauna, flora)
Data author
