San Gregori
Description
Ibilaldi eder honek, desberdina, San Gregori-ko kaperara pixkanaka pixkanaka goiti joanez, Urdiñarbeko herria zeharkatzen du. Oihanpe eta altitude ertaineko larreen artean pasatzen da. Aske diren behi eta zaldiak gurutza daitezke. Hegoaldean pirineoekin, Lanbarako ibarra (Urdiñarbeko auzo bat) eta iparraldean ordokiarekin, kaskoak sekulako 360°ko bista bat eskaintzen du. Tontorretik, hurbil den Gaztelüzarreko gune protohistoriakoa argiki agertzen da.
Technical Information
Altimetric profile
Starting point
Steps
Kalbegiko bidea
Kalbegiko bidea igo. Auzotegian, GR 78 (konpostelako bidea) utziz xuxen segitu. Ondoko bidegurutzean, Larzabaleko bidea eskuin hartu. Jauria etxaldea baino lehen GR 78 bidea berriz atzematen da. Etxalde aitzinetik pasatu eta lizar eta hurrondoz osatutako bidexka jaitsi. Kasu harriak lerrakorrak baitira ! Erreka bat zeharkatu (zubia) eta Landran etxaldetik hurbil, bidegurutzeraino goiti joan.
Lanbarako bidea
300m egin eta, eskuin hartu. Larretxart etxaldea baino lehen, oihanpean den lurrezko bidexkaren hartzeko ezker hartu. Erreka polit bat ibitik pasatu eta lepo txikian gurutzedun bidegurutzeraino igo. Ezkerreko lehen bidexka hartu. 400m egin eta, txakoste bat pasatu (zurubi txikia) eta eskuinean, GR 78 berri atzematen den lepo txiki eta zabaleko bidegurutzeraino igo.
Bidegurutzea
Bidegurutzetik 100m-z igo eta GR7ña eskuinaldean utzi xuxen bidexka horizontaleraino goiti joateko. Bide txikiaren harrapatzeko, ezker hartu. Ordokiraino bidean jaitsi. Bihurgunean, bidea utzi xuxen den lurrezko bidexkaren hartzeko (batzuetan lohitsua). Pentze baten saihetsetik pasatu eta Lanbarako bidea laster hartu. Zeharkatu eta San-Gregorirantz doan bide txikia hartu. Aintzirarako bidea eskuinean utzi. Kaskoan, kapera harresi itzalean piknika mahaiak badira. Beharrez, arkupe batek aterpean piknikatzeko ahala eskaintzen digu. Aldiz, ur gunerik ez da.
San Gregoriko kapera (426 m)
Kaperatik, hesi txikia pasata ezker hartu. San Antoniko kapera bistan ukanez lepo bateraino xuxen jaitsi. 250m-tan Gaztelüzarreko gune protohistoriakora igotzeko aukera bada (15min joan-jina). Lepoan, urasken ondotik, ezkerrean hegian den lehen bidea ez hartu. Ongi markatua den bigarren bidexka hartu non uraskadun iturri baten ondoan pasatzen den. Bidexka oihanera sartzen da, Urrütiagerria etxalderaino jaisten den pista bat da. Laborantza eraikinen artean pasatu eta mundrunatua den bide txikia xuxen segitu laster igotzeko bidea atzemanen baitu.
Points of interest
Urdiñarbeko herria
Herriak erdi aroko etxeak baditu. Horien artean, garaian Zuberoako hamar potestetariko bat zen Jentain etxe noblea, edo Ahetzia gaztelua non etxeko armarriak, ehiza eszenak eta euskaraz idatzitako izkribuak atalburu eder batean agertzen diren. San-Mixel eliza, Done Jakueko beilarientzat eraikia izan zen Orreagako abadiaren menpe zen 1479ko komanderia zahar bat da. XII. mendekoa da. Aragoneraren gainean, elizara doan zubia XI. mendetik harat aipatua da.
Gaztelüzarre
Zelai protohistoriako hau 1980an Monumentu Historikoetan sartu zen. Gure aroko III. eta IV. mendeetan erabilia izan den lurrezko ezponda harresi bat da. Harresidun obra bat da non inbasio edo tokiko gatazketatik babesteko inguruko populazioak (eta saldo) etortzen ziren. Zuberoan honelako hogei bat badira.
Additional information
Balisage
Trait - Balisage directionnel sur supports locaux
Typologie de l'itinéraire
Itzulia
Thèmes
Kulturala
Natura (fauna, flora)
Erlijiozkoa
Data author
