Redoutes / Gotorlekuak
Description
Sarako gainaldeetan zabaltzen diren mendi gain borobilduek (Santinazio lepoan), Ezpeletako ateetaraino (Pinodieta lepoan), Sara eta Ainhoako ibarra inguratzen dute iparraldean, geografikoki Zugarramurdi eta Urdazubi herrien artean banatuta. Gain horiek ahulezi gune bakarra dute, Urdazurik zulatuta, Senpereko Amotz auzoan. Hemen da ibilaldia hasten, erromaniko estiloko zubi zahar baten aztarnen ondoan, gaur egun erdia baino gehiago galdu duela uholde ugariren ondorioz. Ibilaldiak laster Senpereko gainaldeetara eramanen zaitu bide eroso batzuetatik, eta, usoen ehiza saihesteari kasu egiten badiogu (urrian), lasaitasun osoan Senperera zein Sararako ikuspegi aldakorrez goza dezakegu. Napoleon garaiko gune militar zaharrek, gotorlekuek, ondarezko aldea gehitzen diote ibilaldiari.
Technical Information
Altimetric profile
Starting point
Steps
Urdazuritik Ziburuko gotorlekura
“Amotzeko zubia” autobus geltokiaren justu ondotik, Urdazuri zeharkatzen duen errepide-zubia ezkerrera hartu, eta gero, eskuineko karrika itsua, Xuotegia bidea. Etxe bat iragan eta gero, bide batek hartzen du mundrunaren segida, laster ezkerrera igotzen dena zuhaitzen azpitik (seinale gorri eta zuriak). Ondotik, bidea agerian igotzen da, lehen gailur baten itzulia eginez. Lepo baten heinean (lehen gotorlekurako irispidea joatean, eta itzultzean ezker), bidea eskuin aldera doa; muinoaren gainean egoten den lurrezko bide on honetan igo. Patarraren puntan, bigarren gotorlekua eskuin seinalatua da (Amotzerako ikuspegia).
Ziburuko gotorlekutik Harrizmendiko gotorlekura
Ziburuko gotorlekurako joan-etorri laster baten ondotik, tontor-lerroko bidera itzuli. Lepo ttipi batera jaisten da (haritz ederrak) eta jarraikitasunean berriz igotzen. Bi haritz lodien azpian kokatutako bidegurutzera heldu eta, eskuineko bideari kasurik ez egin eta zuzen segitu (erdiko bidea hautatu), harizti baten eta ehiza-gunez beteriko argigune baten artean zuzen igotzeko. Puntan, muinoaren gailurrak hirugarren gotorleku bat aterpetzen du (Harrizmendi). Atseden hartu eta gero, bidea jaitsi hurrengo leporaino.
Kamieta lepotik hegazkin zelaira
Topatutako lehen lepoan, seinale gorri eta zuriak eta tontor-lerroa utzi ezkerrera joateko, hesi bazterreko bidexka belartsuan. Oihan hostotsu batean argiki jaisten da etxe bateraino: etxearen ezkerrean den mundrunezko bidea hartu. Tontor-lerro ederra, Larrunerako ikuspegiarekin parean, eta Mondarrain mendia zure bizkarrean. Y itxurako bidegurutzean, mundruna utzi, eskuinera jaitsi eta ezkerreko bide laua hautatu. Bidea beti zure aitzinean atxiki (besteak beste belar-biltegiaren ondoan den bidea ezkerrean utziz), hegazkin zelaiaren goi-zelai belartsuraino.
Hegazkin zelaitik Amotzeko zubira
Hegazkin zelaiko harrera-eraikinaren ondoan, ezkerreko errepidean jaitsi (Xerrenda bidea). Beherean, Kamieta auzoko etxe ederrak zeharkatu, eta errepidean segitu Urdazuriko ibarra berriz igotzeko. Ibarrean, T itxurako bidegurutzean, eskuinera joan Xuananea karrikan. Xiburoa etxea iragan eta gero, errepidea Urdazuritik hurbil-hurbil iragaten da; Amotzeko zubiaren aztarnei so egin. Laster, errepide ttipia hastapenean hartutako zubira eta “Amotzeko zubia” autobus geltokira iristen da.
Points of interest
Napoleon garaiko gotorlekuak
Azkaine, Sara edo Senpereko gainaldeetan, muinoak kanpainen garaiko gotorleku militarren aztarnez beteak dira, hementxe informazio taulak azaltzen dizun bezala. Eskualdeko lehena handik 100 m-tara kokatua da, ezkerraldera, ibilbidetik kanpo.
Ziburuko gotorlekua
1813an, Enperadoreak Soult marexala bidali zuen Frantzia-Espainia mugaren defentsa-lerroaren agindua hartzera. Azaroaren 10ean, haatik, Wellington jeneralaren oste hispanobritainiarrek Amotzeko muinoen lerroa bortxatzea erdietsi zuten eta Senperera iritsi ziren.
Amotzeko zubia
Urdazuri gaineko zubi erromaniko hau zehatz-mehatz noiz eraikia izan zen zaila da jakitea, baina bederen azken bost mendeetan milaka bidaiari, ibiltari, erromes ikusi ditu Donejakuerantz ibiltzen, baita Napoleonen armaden soldaduak ere. Dugun segurtasun bakarra, bere suntsitzea 1983ko eta 2007ko uholdeen denboran bururatu zela.
Additional information
Balisage
Balisage à la peinture jaune
Typologie de l'itinéraire
Itzulia
Equipements
Ur-gunea
Komunak
Thèmes
Historikoa
Natura (fauna, flora)
Data author
