Garaziko lepoetan jendea protohistoriaz geroztik ibiltzen da, Pirinioak iragateko leku pribilegiatua da. Leku horretan ibili den jende ugarien aztarnak ez dira beti ageri, baina beste batzuek iraun dute. Itxura desberdineko ibilbide labur horretan aberastasun historiko hori ikusiko duzu. Ibilbide labur baten ondotik lepo bakarrean trikuharriak, harrespilak eta gotorlekua ikusiko dituzu. Gero goratasuna hartu beharko duzu eta gisu-arroka zapaldu Urkuluko karsta ezagutzeko; gizakia baino aise lehenagokoa da. Zenbait metro igan ondoan Urkuluko dorrea agertuko zaizu. Izen bereko kaskoan da erromatar dorrea, eta arrunt molde harmoniatsuan nahasten da paisaiari. Ikuspegi ederra bada bertatik gune zabal horien gainera, non artzaingoak bizirik dirauen.
Aparkalekutik segi hesia, 205 mugarritik hurbil, aska batera buruz. Askan itzul ezker mendi mazelan den xendrara heltzeko, desnibel doi batekin. Eskuin, ote larre baten ondotik, laster pagadi ederra atzemanen duzu Txangoa ibarxkan. 1 km gabe, Soroluzeko lepora helduko zara, eta han historiako aztarnak ikusiko dituzu (trikuharria, harrespilak eta gotorlekua).
Lepo horretatik igan ezker, arroka-pareta batzuei buruz altxatzen den kasko borobilduan. Bazkalekua da, eta ez da bidexkarik ageri. 100 m urrunago xendra bat ageri da tarte laburrean, baina bide ona atxikitzeko parada eskaintzen du. Laugune belartsu baten ondotik, igoera zinez patartsu bihurtzen da. Zoaz arroka-pareten heinean diren bi arroketara.
Arroka horietarik zoaz ezker eta igan arroka-paretetara heltzeko. Zoaz haien luzeran laugune belartsu batera heldu arte. Arroka-paretan pasagune bat bada ibilbidea segitzeko.
Arroketara igan eta segi ezker maldan den harresi natural baten gainaldetik. Egon zaitez honen gainaldean 50 m-tan eta progresiboki urrundu zaitez eskuin hartuz. Hortik dorrea ikusiko duzu; segi ibilbidea ahalaz gune belartsuetatik. Laugune belartsua duen lepora helduko zara, justu dorrearen azpian. Ongi so egiozu lepo horri, ibilaldia bururatzeko berriz hortik ibili beharko baituzu. Segi eskuin arroka-paretatik iragan gabe. Hondakin batzuetatik iraganen zara, eta gero Urkuluko dorrera helduko.
Gorago aipatu lepora itzuli ibilbide beretik. Zeharkatu laugune belartsua eta gero arroka gune laburra. Hasi jausten Arnoztegiko lepora buruz, eta han abiapuntuko aparkalekura helduko zara.
Mendietan ibili diren gure arbasoen lekuko dira hilobi horiek, eta Brontze Arokoak dira. Higadurak harri meten estalkia garaitu du, eta trikuharriaren megalitoak ageri dir
Trofeo-dorre hori gure garaiko I. mendean eraikia izan omen da, erromatarrek Akitania konkistatu zutela ospatzeko. Burdigala (Bordele) eta Asturica (Astorga, Espainian) lotzen dituen erromatar bidetik hurbil, Galia eta arteko muga zen.
Identifikatzeko zailago da gotorlekua; izar formako fortifikazio militarra da. Napoleondar Gerlen garaikoa da (XX. mende hastapenekoa). Hastapeneko forma zehazki hautemateko zaila da, baina hango arroilek eraikinaren neurria nolakoa izan zitekeen erakusten dute.
Trait jaune
Itzulia
Historikoa
Natura (fauna, flora)
+33 5 59 37 03 57
saint.jean.pied.de.port@orange.fr
www.pyrenees-basques.com
Oui