Gurpilen itsas ertzeko azken birak ditugu, Hendaiako Hondarraitz hondartza argitsuan. Zokoburuko muturrak lurren aldera sartzearen abiapuntua markatzen du, baina bidea ur ertzekoa izanen da oraindik, txingudiko badian lehenik, non laket ontziak gorde baitira, Bidasoaren Frantzia aldeko ertzeari jarraiki, gero. Irun hiriaren etxeek Espainiaren gertutasuna adierazten digute; hala da, bai, Behobia-Pausuko nazioarteko zubia, Intzurako bizikleta-bide atseginetik bertatik ageri baitzaigu.
8.2 km
|
max. 19 m
19 m
| ||||||
Hendaiako turismo bulegoa aurrean duzuela, Itsas Etorbidea eskuin aldera hartu. Ur zurrustak dituen biribiltxoa pasa eta aurrera segi. 300m eginik, bizikleta-bide baten hasiera (bike gorriz); hondartzaren luzera osoan segi, zuzen-zuzen. Zokoburu muturra, ikuspuntua naturgune babestu batera eta porturako sarbiderako itsasartera (informazio taula «Sentier du Littoral-Itsasertzeko bidea»). Ezker jarraitu, itsasarte ertzean; 100m ibili eta gero, ezker berriro, laket portuari jarraitzeko. Portuaren zabalgunea pasa (1,8km – Hondarribirako itsasontziaren abiapuntua) eta amarralekuen aurretik segi. Palmondo sail bitara heldurik, bizikleta-bide gorria hartu; portua uzten du, ezkerretara eginik, bi landaresiren artean. Laranjondoen karrikara heldu; aurreko espaloia hartu, ezkerralderantz, bizikletentzako bidea. Zuhaitzak (platanoak eta palmondoak) dituen Zokoburuko biribil handian, eskuin jarraitu, bizikleta-bidean («Hendaiako hiribarnerantz»). Hurrengo biribiltxoan (itsas zentroa), aurrera, Txingudiko badiari jarraitu.
Badiari so, bistaleku bat, Hondarribia eta Jaizkibel aurrean. Bizikleta-bidean jarraitu, jolastoki eta badiaren artean. 400m harago, harrizko arku batzuen pean pasa gabe, eskuin hartu, badia ertzeko paseoari jarraiki. Badiaren gainean balkoi eginez doan egurrezko egitura batetik segi (poliki ibili, oinezkoentzako bidea da ere). Amaian, bikeztaturiko malda estu bat gora (labur baina pikoa) hartu eta kale batera helduko zarete. Eskuin hartu; handik 30 bat metrotara, 1923an Pierre Loti hil zeneko etxea duzue (Arrantzaleen karrika). Zuzen jarraitu, lau da orain bidea; ezkerreko lehen bi kaleak utzi (debekaturiko norabidea) eta hirugarrena hartu; Portuko karrika duzue hori. Igo ezazue eta goian, de Gaulle jeneralaren bulebarra eskuinetara hartu (auto joan-etorri handia). Trenbide gaineko zubia pasa eta berriz ere eskuin hartu (Biriaturantz). Bulebarra behera korritu, Hendaiako tren geltokiraino. Bulebarrean zuzen gora jarraitu eta gora heldutakoan, eskuin hartu, Biriaturantz, eta gero ezker Urruñarantz (eta A64). Errepide baten zubipean pasa. Hortik biribil batera heldu eta zuzen jarraitu. 300m inguru harago, aurrera segitu gabe, Errotazilo karrikan behera egin. Malda piko horren pean, eskuin, parketxo batera jo.
Hor abiatzen da, ezker harturik, Bidasoaren ertzean prestaturiko bizikleta-bidea. Lezkadien artean, Irun hiria eta Jaizkibel mendia ikus daitezke. Bidea bikoizten denean, bizikletentzakoa ezkerrekoa da. Konpentzia uhartearen parean pasa; Behobia-Pausuko nazioarteko zubia begien menean duzue. Bizikleta-bidea amaitzen da eskola eta haurrentzako jolastoki baten artean pasatzerakoan; kalea ezker hartu eta gero, lehenengoa eskuin (Joncaux-Intzura egoitza). Igoera txiki bat eta auto joan-etorri handiko hiribide batean zarete. Eskuinetara jaitsi, biribiltxo baterantz; hor, lehena eskuin, Charles Pucheu karrika (prentsa-tabako saltoki: Kioskoa). Norabide bakarreko bide batek Behobia-Pausuko nazioarteko zubira eramanen zaituzte.
Entre la plage et la montagne, le port de plaisance d’Hendaye est le seul de la Côte Aquitaine restant accessible par tous temps et à toute heure. Il est un refuge en cas de tempête ou de mauvaise mer.
Pour beaucoup de pèlerins en route vers Compostelle, c'est le point de passage sur le "camino del norte" (chemin du nord) -
Ayant le statut de condominium, elle est gérée alternativement par la France et l'Espagne avec un changement d'administration tous les six mois. Il s'agit du seul exemple actuel de souveraineté alternée sur un territoire. Son accès est interdit au public.
Bizikleta-errepide batetik iragaten den ibilbidea
Natura (fauna, flora)